കാണുന്ന സ്വപ്നം ഗുണമോ ദോഷമോ?

ഉറങ്ങുമ്പോൾ സ്വപ്നം കാണുന്നത് സ്വാഭാവികം ആണ്. എങ്കിലും ഹൈന്ദവ വിശ്വാസം അനുസരിച്ചു ചില സ്വപ്നങ്ങളിൽ തെളിയുന്ന കാഴ്ചകൾ നമ്മുടെ വിധിയുമായി ബന്ധപ്പെട്ടു കിടക്കുന്നു എന്നും പരദൈവങ്ങളോ പിതൃക്കളോ ഉപാസന മൂർത്തികളോ അവ നമുക്ക് കാട്ടിത്തരുന്നത് കരുതലോടെ ജീവിക്കാനാണ് എന്നാണു ആചാര്യന്മാർ പറയുന്നത്.. ഇപ്രകാരം ഉള്ള ചില സ്വപ്നഫലങ്ങൾ എന്താണെന്ന് ചുവടെ ചേർക്കുന്നു :

 1. അഗ്നി ശുഭലക്ഷണമാണ്. തീപ്പെട്ടി ദീപങ്ങൾ കത്തിയെരിയുന്നതായി കണ്ടാലും നല്ലതാണ്. എന്നാൽ   പുകയോട് കൂടിയാണെങ്കിൽ  രോഗമാണ് ഫലം. 

2. വിളക്ക് കത്തിക്കുമ്പോൾ അണയുന്നതായി കണ്ടാൽ  പുത്രശോകവും പുകയോടുകൂടി വീടു കത്തുന്നത് കണ്ടാൽ  വിനാശകാലവും ആണ്.

3, ജലം, തടാകം, കടൽ , കുളം, കുളിക്കുക, നീന്തുക എന്നിവ കണ്ടാൽ  ധനലാഭം, കാര്യസിദ്ധി എന്നിവ ഉണ്ടാകും. എന്നാൽ  തിരയിൽ  അകപ്പെട്ടതായി കണ്ടാൽ  കഷ്ടകാലം.

4. അഴുക്ക് വെള്ളം, ചൂടുവെള്ളം, മഴവെള്ളം എന്നിവയിൽ  കുളിക്കുന്നത് കണ്ടാൽ  തീരാവ്യാധി ഫലം. 

5. കൃഷിയില്ലാതെ ഉഴുത് ഇട്ടിരിക്കുന്ന നിലം കണ്ടാൽ  ബന്ധുക്കളോട് ശത്രുതഫലം, മല പിളർന്നിരിക്കുന്നതായി കണ്ടാൽ  അടുത്ത ബന്ധുവിന് നാശം.

6. കാട് കണ്ടാൽ  ഫലം നല്ലതല്ല. കാട്ടുതീ കണ്ടാൽ  വിചാരിച്ചകാര്യം നടക്കും. 

7. പട്ടിയെ കണ്ടാൽ  ദാരിദ്ര്യം ഉണ്ടാകും. ആനയെ കണ്ടാൽ  ധനലബ്ധി ഉണ്ടാകും.

8. വാഹനങ്ങൾ  തമ്മിൽ  കൂട്ടി മുട്ടിയതായി കണ്ടാൽ  നിശ്ചയിച്ചിരുന്ന കാര്യം നടക്കില്ല. കടൽക്കരയിൽ  നിൽക്കുന്നതായി കണ്ടാൽ  വിചാരിച്ച കാര്യം നടക്കാൻ ഇടയുണ്ട്.

9. വേശ്യാ സംഗമം സ്വപ്നത്തിൽ  കണ്ടാൽ  വ്യവഹാരങ്ങളിൽ  പരാജയം ഉണ്ടാകും.

10. മരിച്ചവരോട് സംസാരിക്കുന്നതായി സ്വപ്നദർശനം ഉണ്ടായാൽ സൽകീർത്തി ലഭിക്കുന്നു.

11. കൊടുങ്കാറ്റ്, പേമാരി ഇവ സ്വപ്നത്തിൽ  കണ്ടാൽ  തൽക്കാലം ധനനഷ്ടവും പിന്നീട് അഭിവൃദ്ധിയും ഫലം. 

12. ബസ്സ് മറിയുന്നതായി സ്വപ്നം കണ്ടാൽ  ആ മാസം പല കാര്യങ്ങൾക്കും തടസ്സം ഉണ്ടാകും.

13. അമേദ്യം ചവിട്ടിയതായി സ്വപ്നം കണ്ടാൽ  നഷ്ടപ്പെട്ട കാര്യങ്ങൾ തിരിച്ചു കിട്ടും. 

14. പകൽ  കാണുന്ന സ്വപ്നം ഫലിക്കില്ല.

15. നല്ല സ്വപ്നം കണ്ടാൽ  വീണ്ടും ഉറങ്ങരുത്. മോശപ്പെട്ട സ്വപ്നം കണ്ടാൽ  ദൈവത്തെ ധ്യാനിച്ച് വീണ്ടും ഉറങ്ങുക. 

16. ശുഭസ്വപ്നങ്ങളിൽ  പശു, എരുമ, ആന, ദേവാലയങ്ങൾ, കൊട്ടാരം, പർവ്വതം,  ശിഖരം, വൃക്ഷം, മുകളിലേക്ക് കയറുക, മാംസഭക്ഷണം, തൈര് കഴിക്കുക, വെളുത്ത വസ്ത്രം ധരിക്കുക. രത്നം പതിച്ച ആഭരണങ്ങൾ കാണുക, ചന്ദനം പൂശുക, മുറുക്കാൻ ഇടുക, കർപ്പൂരം, അകിൽ , വെള്ളപ്പൂവ് ഇവയെ കണ്ടാൽ  അൽപം സമ്പത്ത് ഉണ്ടാകും. പാമ്പ് കടിക്കുക, തേൾ കടിക്കുക, സമുദ്രം താണ്ടുക, തീയിൽപ്പെടുക ഇവ സ്വപ്നം കണ്ടാൽ  ധനലാഭം ഉണ്ടാകും.